Hinglishmehelp.com Ke Admin Mohd Hasnain Ka Interview

Internet par aap tech se related post to jarur padhte hai to aapne kabhi na kabhi Hinglishmehelp.com par visit jarur kiya hoga to mein apke samne Hinglishmehelp.com ke admin Mohd Hasnain ka interview publish karne jaa raha hu.

Hinglishmehelp.com owner interview

1. Blogging Me Pehla Kadam Kab Aur Kaise Rakha?

Maine blogging per pehli kadam 2017 rakha tha mujhe bachpan se hi help karna accha lagta tha blog start karne se pehle mai logo ka help social media per kiya karta tha aur mujhe internet, technology, Android app, new offer, tech news etc information apne facebook page me share kiya karta tha fir baad me jab blogging ka pata chala to blog me inn sab jankari ko share karna start kar diya.

2. Aap Kaha Ke Rehne Wale Hai?

Mai Purnea Bihar India ka Rahne wala hu aur mai Purnea district ke ek village me hi puri family ke sath rahta hu.

3. Aapka Blogging Field Me Ideal Person Ya Blogger Kon Hai Aur Kyu?

Mera blogging field me agar hum baat kare ideal person ya blogger ki to mai aap sabhi viewer ko batadu koi ek person khass nhi hai kyuki mujhe aap sabhi ne mil kar sab kuch sikhya hai Esliye aur aaj jiss bhi mukam per hu aap sabhi blogger ki wajhe se hu

4. Aapke Blogging Ke Safar Me Sabse Badi Mistake Kaunsi Thee? Aur Aap Usse Bahar Kaise Nikale Matlab Uska Solution Kaise Nikala?

Guys blogging ke safar me jaha tak mujhe lagta hai ki mera sabse badi mistake tha regular blog me update naa rahna ji haa mai apne blog me hamesa article nhi likhta tha agar me ye galati nhi karta aur regular article likhta to sayad aaj aur nhi isse aage ja chuke hote ab mai aapko bata du regular article naa likhne ki karan kya tha aakhir mai kyu regular article nhi likhta tha ye sawal aapke mann ne me aa raha hoga to mai aapko iska karan batata hu social media ji haa mai jade time social media me kharch kar deta tha jitna time me social media me kharch karta tha utna agar blog me kharch karta to sayad mera blog aur bhi aage ja chuka hota. Ab mai aapko bata dena chahata hu ki maine inka solutions kaise nikala to dekhye koi bhi kaam karne ke liye soch samajh kar karna parta hai aise hi ek din mera mind me yaad aaya jitna time me social media me deta hu utna agar blog me dunga to ek naa ek din mera bhi blog success hoga fir kya tha uss din hi ek time fix kar liya tha ki itna baje se itna baje tak mujhe blog per kaam karna hai aur iss time ke buch blog ke siwaye koi kaam nhi karta tha naa hi facebook,etc kuch bhi open nhi karta tha. Maine iska solutions aise hi Nikala tha.

5. Aap Hamare (storybabu.in) Ke Readers Ko Apne Aur Apka Site Ke Baare Me Kuch Bate Batani Ho Toh Kya Batana Chahenge?

Sabse pehle Mai storybabu.in ke sabhi reader ko apne bare me bata dena chahata hu jaisa ki aap sabko pata hai mera name Mohd Hasnain hai aur mai purnea, Bihar ka rahna wala hu, Aur mai student hone ke sath-sath Blogging,Youtube,Digital marketing, etc bhi karta hu.

Ab mai aapko kuch apne blog ke bare me kahna chahata hu waise to aapne bahut sari baatein padha mere bare me aur mere blog ke bare me ab ek final word kahna chahata hu ki mujhe aap sabka help chahiye apne blog ko aur aage le jane ke liye bs aap sabhi mere blog post ko jada se jada share kare aur comment me feedback dena naa bhule. I hope ki aap sab mera help karoge.

6. Aapne Apne Blog Ka Naam Hinglishmehelp Kyu Rakha Aur Aapko Yeh Idea Kaise Mila?

Jaisa ki aapne pucha hai maine apne blog ka name Hinglish Me Help kyu rakha to mai aap sabhi reader ko sach bata dena chahata hu. Sach baat to yeh hai ki jab mujhe blogging ki basic knowledge ho gaya tha uss time mujhe custom domain ki jarurat tha lakin mere pass rupees nhi tha ki mai domain le saku, fir ek ladke ne mujhe whatsapp me message kiya aur pucha ki aap mohd Hasnain ho to maine kaha haa mai mohd Hasnain hu fir usne pucha ki aapko domain ki jarurat hai naa fir maine kaha haa lakin aapko kaise pata, Lakin usne iska reply nhi diya, fir usne kaha mai aapko ek .com domain de raha hu free me fir maine unse pucha aap mujhe kyu free me domain dena chahate ho aap koun ho kaha se ho mujhe jante ho kya mere number kisne diya itna sara sawal me se kisi bhi sawal ka koi reply nhi diya bss yahi kaha shaam me aapko domain deta hu mere mann me bahut sawal aa raha tha lakin kisi ka koi reply nhi de raha tha bss apna hi baat sirf bol raha tha fir usne shaam ko godaddy ka id aur password diya uss account me 2 domain tha jisme se mujhe koi 1 yaani hinglishmehelp.com lene bola maine bhi imandari se wohi kiya jo usne kaha, aur fir maine apne site se domain connect kar liya, yeh domain mujhe usne hi diya iss liye mujhe hinglishmehelp.com hi rakhna para, yeh tha mera site name rakhne ka karan

7. Aap Newbie Bloggers Ko Kya Suggestions Dena Chahenge?

Guys sabhi reader ko bata dena chahata hu ki agar aap new blogger ho ya fir blogging start karna chahate ho to mai aapko yahi kahna chahata hu ki aap bhi aaiye blogging start kijiye lakin haa jaisa ki maine galati kiya hai waisa galati nhi karna, ek sahi disha me kaam kijiye jarur success milega,

8. Aapne Blog Create Karne Ke Kitne Time Baad Blog Mein Adsense Ke Ads?

Maine blog create karne ke 4 month baad adsense ke ads blog me lagaya tha, kyuki mera blog me custom domain nhi tha Esliye jade time lag gaya tha agar agar aap soch rahe ho ki custom domain connect karne ke kitne din baad adsense ka ads blog me lagaya tha to mai aapko bata dena chahata hu ki maine domain connect karne ke 1.5 month me adsense ka ads blog me laga diya tha, Lekin jade dino tak nhi chala kuch din baad disabled ho gaya fir maine kafi dino tak adsense ke liye apply nhi kiya apply nhi karne ka region ye tha ki blog me traffic km tha Esliye maine socha km traffic me adsense lagane se bar bar adsense Dashboard me earnings ko dekhne se demotivated ho jaunga Esliye usse accha hai adsense hi naa lagau jab jade jaunga traffic milne lagega tab lagaunga yahi region tha dubara adsense naa lagana ka fir uske kuch mahino baad adsense ke liye ussi site se apply kar diya aur approved bhi mil gaya.

Sirf approved hi nhi mila balki bahut kuch sikhne ko mila, dubara adsense approved milne se uske baad to mujhe adsense lena hi sikh gaya tha mai easily kisi bhi adsense ka approved le leta tha.

9. Apki Daily Aur Monthly Earning Kitni Hai?

Agar mai apne site ki earnings ki baat karu to bilkul 0.0 earnings hai lakin haa adsense laga huwa hai site me, aur agar other source se earnings ki baat karu to theek thak ho jata hai jisse mera kaam nikal jata hai lakin puri family ka kharch nhi nikalta hai

10. Aapne Abhi Tak Adsense Se Kitna Earn Kiya Hai?

Abhi tak maine kabhi bhi adsense se koi payment nhi liya hai waise bahut jald payment aane lagega.

Agar apko Hinglishmehelp.com Ke admin Mohd Hasnain Ka interview pasand aaye to apne dosto ke sath share jarur kare.

You May Also Like

Leave a Reply

Your email address will not be published. Required fields are marked *

Close
error: Content is protected !!