Nadi Ke Paas Wale Jungle Mein Bhoot Ka Aatank

0
229

Hi friends mein Yanshu Priya aapko ek new bhoot ki darawni kahani batane jaa rahi hu jo meri chhoti behan ke sath ghati.Iss ghatna ke chalte meri chhoti behan bahut hi bhaybhit ho gayi thee.

Nadi Ke Paas Wale Jungle Mein Bhoot Ka Aatank

Yeh ghatna uss samay ki hai jab meri chhoti behan apni saheli ke sath khelte huye nadi ke kinare-kinare hote huye dam tak jaa rahi thee.Saam ke 5pm ho rahe thee.Iss samay uss jagah par jane ki manahi thee.Log uss dam par shaam ko nahi jaate thee aur naa jaane ki salah bhi dete thee sabhi ko par yeh baat meri chhoti behan aur saheli ko pata nahi thaa.Wo dono toh akele hi jaa rahe thee dam ko aur dam ke paas ek chhota sa jungle thaa aur woh jungle itna bhayaanak thaa ki log usko dekh kar hi dar jayenge.Logo ka yaha tak yeh bhi kehna thaa ki waha par aatmaye hai aur wo akele logo ko dekh kar logo ko tang bhi karte hai.Bahut logo ne waha par aatmaye dekhi hai aur waha par naa jane ko salah bhi dete hai par yeh baat meri chhoti behan ko nahi malum thee.

Meri chhoti behan apni saheli ke sath waha pahuch gayi jaha jungle bhi thaa.Nadi mein bahte paani ko dur se hi dekh rahi thee tabhi waha par ek aadmi laal shirt pehle apni cycle ke sath pahucha.Use aate huye kisi ne nahi dekha dono mein se aur waha aane aur jaane ka ek hi raasta thaa toh meri behan aur uski saheli ne uss admi ko pure raste mein kahi bhi nahi dekha toh meri behan ye baat soch rahi thee.Itne mein uss aadmi ne kaha yaha aayo ladkiyo mein tumhe kuch dikhata hu.Uss admi ke paas jaane par meri chhoti behan ne ye dekha ki uss aadmi ka shirt pura khoon se bhara thaa aur aaju-baaju se khoon bhi laga huya thaa aur toh aur ek per se khoon bhi nikal raha thaa kyuki uska ek per kata huya thaa.

Yeh drisya dekh kar dono ke rongte khade ho gaye.Tabhi dono saheliya ek dusre ka haath pakad kar itni tez bhaagi ki piche mud kar dekhi bhi nahi aur sidha ghar pahuchi.Ghar aakar yeh baat mere maama-maami yaani meri chhoti behan ki mata-pita ko batane lagi.Yeh baat sunkar mere mama dar gaye aur unn dono ko uss jagah par naa jane ki salah di aur kaha ki woh jagah par aatmaye dikhti hai.Yeh baat tum dono ko nahi pata thee kya aur meri chhoti behan aur uski saheli ko daatne lage.

Yeh baat mujhe tab pata chali jab mein apni nana-nani ke ghar gayi thee tabhi meri chotti behan ne yeh ghatna mujhe batayi.Uss jagah ke bare mein toh mein jaanti hi thee pehle se hi bas chhoti behan ko hi pata nahi thaa par iss ghatna ke ghatne se ab woh jaan chuki hai.

Aap meri pichli 2 story padh sakte hai.

Agar aapko story pasand aayi toh share jarur kare aur aapko story kaisi lagi comment mein bataye.